الفطريات في القطط | وماهي خطورتها؟ 😕
الفطريات موضوع بيهم معظم الناس و اللي ناس كتير فاكره ان القطط هي بس اللي بيجلها و الكلاب لا !!
طبعاً ده اي كلام ومش حقيقي الكلاب معرضه بردوا للفطريات زي القطط بالظبط بس هي القطط مشهوره بمشاكل الفطريات مش اكتر.
الموضوع بيبدأ انك بتشوف حته واقعه او فاضيه من الشعر مستخبيه في الجسم وبتتشاف بالصدفه لحد ما نشوف منها كتير😓
وفي ناس اول ما تشوفها تقول ده ورم او جرب او فطريات منغير ما يكشفوا و ده طبعاً لو عينه ميكروسكوب مش هيشخص كده 😂
فبنبدأ نكشف باستخدام الاشعه فوق البنفسجيه نلاقي ان الموضوع فطريات وعلي اساسه بنبتدي العلاج اللي بيعتمد في المقام الاول علي المناعه و دهانات مضاده للفطريات و احياناً في الحلات المتدهوره بنلجأ للادويه المضاده للفطريات بس بتبقي خطوه متأخره حبه بسبب تقل الدويه علي الجسم بصفه عامه.

❌ خطوره الفطريات ❌ اولا طبعا انها معديه للإنسان دي حاجه والحاجه التانيه بتخلي الحيوان يهرش كتير و بالتالي الفطريات ممكن توصل لداخل الجسم لو متعالجتش و نخش في دائره تانيه و الحيوان بيبقي شبه متدمر بسبب ضعف مناعته و عدم تحمل جسمه لسموم الفطريات فلازم نخلي بالنا من جلد الحيوان و نتابع نظافته و مناعته و تغذيته اول بأول.

احجز دلوقتي اقرب عيادة ليك واطمن علي أليفك مع زورست 💙