الكلاب و القطط زيينا زي بقيه الحيوانات تحت kindgom animalia  بحيث ان معظم الاعضاء مشتركه مع اختلاف في التشريح و التكوين لهذه الاعضاء و ممكن تكون عند حيوانات تانيه مختصره او غير موجوده لعدم اهميتها. زي مثلاً الceacum عند الحيوانات بالذات اكله العشب زي الحصان فهو موجود في الانسان بصوره مختصره و بدون مهمه صريحه في الجسم(الزائده).
اما البنكرياس فهو عضو موجود و فعال في الكلاب و القطط.

ليه الناس فاكره ان الحيوانات الاليفه معندهومش بنكرياس؟ 

اقوال متضاربه جداً في الموضوع ده و لكن كان من اهمهم ان الحيوانات ممنوع عنها السكريات كلها و الفاكهه و لكن بحذر شديد ومش كلها  فالناس ربطت المنع بعدم وجود بنكرياس يفرز الانسولين الي بالتالي يتحكم في الblood glucose concentration.

الحقيقه اللي لازم اعرفها كمربي:

ان الكلاب و القطط عندهم بنكرياس و لكن نظراً لحساسيه البنكرياس الزياده فالأطباء البيطريين بينصحوا بعدم الافراط في السكريات و الابتعاد عنها و لو فاكهه مسموح تبقي بمعيار محسوب زي(الموز،التفاح،البرتقال،الكيوي)اما الفاكهة الغير مسموع بيها زي(العنب،الزبيب،الشيري،الخوخ). و لارم ناخد بالنا من نقطه ان الكلاب و القطط الي بتاكل الاكل اللي في دهون زياده او سكريات زياده معرضه اكتر لألتهاب البنكرياس و اللي تشخيصه و علاجه بيبقي لازم تحت اشراف طبيب بيطري متخصص.