By Zoorest Home Visit ( Category - DOGS)
انواع الكلاب النهارده هنتكلم عن نوع محبوب جدا وهو
اليورك الشاير - Yorkshire 🐶
اليورك الشاير من الكلاب اللي منتشره من زمن كبير في مصر, بس مع الوقت ابتدت تاخد حقها اكتر و اكتر و بقت مطلوبه و بقي ليها مربيين من مناطق معينه واكتر من جروب علي الفيسبوك بيتكلم عن النوع ده!
بحيث ان الناس دي بتجتمع علي تربيتهم و بيشاركو صفات السلاله و ازاي التعامل معاهم لاول مره و ايه المشاكل اللي بيشفوها منها.
السلاله تتميز بصغر حجمها و شكلها اللطيف اللي بيجذب الناس ليها 😍
و بالتالي بتبقي محبوبه اكتر من الاطفال و البنات.
اليورك الشاير 🐶 كلب منزلي مينفعش في جنينه او بلكونه،
يعتبر من الكلاب اللي سهل تدريبها و عمليه و بتتعلم بسرع بس من برضه رغم صغر حجمه بيعتبر كلب خلقه ضيق و بيهوهو علي اي حاجه غريبه او اي صوت غريب.
و بيتميز شعره و جلده بالملمس الحريري و نعومه شعره اللي من اهم مواصفاته.
لو عندك اي سؤال سيب سؤالك في التطبيق واحجز اقرب عيادة ليك واطمن عليه بكل سهولة 💙