دايماً بتبقي حوادث او وقعات او خبطات بتبتدي ان الكلب بيصرخ او بيعوي بصوت رفيع مستمره لدقيقه او اكتر من كتر الوجع و بعدين بيحاول يمسك نفسه و يقوم يلاقي نفسه ناقص طرف او في رجل مش سانداه.

العرج او الزك اهم اعراض الكسر او الشرخ او الرجل المرفوعه من علي الارض و الكلب بيبقي قاعد طول الوقت مبيقدرش يمشي.

اللي بيفرق الالتهاب او الخشونه عن الكسور او الشروخ هي تاريخ الحاله و الاشعه هي الفيصل عشان كده لازم نقول تاريخ الحاله مضبوط و منبخلش علي الحاله بالاشعه و نكتفي بس بالهيستوري اللي بيشل للدكتور guideline التفكير و لو انت كدبت او قلت حاجه مش صح متظلمش الدكتور انه مشي علي كلامك و عالج علي اساسه لانك ضليته في الاول!!

لان حالات الحوادث بالذات بتبقي خطورتها مش في العضم علي ما خطورتها في الجسم كله و بيقي الخوف علي اعضاء الجسم و ان يكون لا قدر الله حصل نزيف داخلي.

الاسعافات الاوليه في العضم لازم نثبت الحاله مكانها منربطش عليه رباط ضاغط و لا ندهن مراهم فقط اننا نثبتها مكانها و ننقله لاقرب مستشفي او عياده لينا عشان الدكتور يقوم بالفحوصات اللازمه.

اعمل بحث واحجز دلوقتي العيادة الاقرب ليك واطمن علي كلبك 
زورست دايما معاك