اتعرف علي الخطوات التدريبية اللي هتساعدك تاخد القطة معاك المصيف : 

⬅️ قبل السفر بأسبوع دخل القطة العربية واقفل الباب واسمحلها بأن تشمها وتستكشف المكان شوية وسيبها 5 دقائق, وكرر العملية دي كذا مرة فى اليوم او اكتر من يوم .

⬅️خلي القطة تاكل واحدة من وجباتها يوميًا جوه العربية لمدة أسبوع أو خليها تلعب جوه العربية باللعبة المفضلة لها، المهم أن يكون فى نشاط تحبه وتعمله وهي متواجده جواها .

⬅️ حاول تشغل محرك العربية بدون ماتتحرك او تروح اي مكان ممكن تكرر الموضوع دا 3 او 4 مرات خلال النهار علشان تتعود علي الصوت.

⬅️اخيرا ابدأ تشغل محرك العربية وتتحرك مسافة قصيرة وتقف , وبعدين كرر الموضوع دا مرتين او تلاته واسمح للقطه انها تخرج من العربية بعد الرجوع فورا .

⬅️في المرات اللي جاية زود السرعه في العربية لغاية لما القطة تتعود علي السرعة .

⬅️ وعلشان سلامتها لازم تركب القطة العربية جوه الصندوق الخاص بيها، من جهة لأن السائق بيحتاج للتركيز في الطريق وحركة المرور ومش هيقدر يعمل كدا فى وجود قطة فى حضنه أو تحت الدواسات، ومن جهة تانية لحماية القطة لو حصل حادث.

⬅️يفضل أن يكون القط فى الصندوق فى المقعد الخلفى من العربية وليس الأمامى لأنه فى حال وقوع حادثه ممكن تتفتح الأير باج وتخبط الصندوق والقطة جواه .